A Concellería de Educación do Concello de Ourense organiza, un ano máis, a MOTECES (Mostra de teatro escolar para centros de ensino secundario), enmarcada no programa educativo “Teatro, Cine e Danza na Escola”, e que acada con esta a súa oitava edición. A Mostra inaugurarase este luns, ás doce e media da mañá, coa representación da obra “El último vuelo del Cóndor” a cargo do grupo teatral de Camargo (Cantabria), gañador dunha Mostra de Teatro Escolar o pasado ano. No acto, que terá lugar na Escola Municipal de Artes Escénicas de Ourense, estará presente a concelleira de Educación, Ana Garrido.

Coa posta en marcha desta actividade, a Concellería de Educación pretende facilitar o intercambio de experiencias teatrais entre os distintos centros de ensino da cidade e fomentar o gusto pola interpretación e a asistencia ó teatro. Participarán un total de 10 grupos de teatro de 7 centros de ensino da cidade: IES E. Blanco Amor, IES Lagoas, IES Otero Pedraio, IES Universidade Laboral, IES Portovello, CPR Sto. Ángel e CPR Sta. Teresa de Jesús (Carmelitas).

A Moteces´09 celebrarase entre o 4 e o 18 de maio, e todas as obras serán representadas no salón de actos da Escola Municipal de Artes Escénicas de Ourense