O Concello de Ourense acordou na sesión ordinaria da Xunta de Goberno deste xoves a aprobación do proxecto de expropiación para a obtención de terreos de espacios libres e zonas verdes en Montealegre, destinados ó Xardín Botánico. O ámbito abrangue unha superficie de 154.970 m2 con 54 parcelas, e a valoración total de bens e dereitos sometidos a expropiación ascende a 902.835, 88 euros.
A totalidade das fincas incluidas no ámbito do proxecto teñen a mesma cualificación de sistema xeral de espacios libres ou de rede viaria, con dous clasificacións de solo diferentes: a maior parte da superficie, de 139.315 m2, atópanse fóra do chan urbano. O resto, 16.244 m2 atópase en chan clasificado como urbano.

A Xunta de Goberno Local aprobou tamén un Convenio de Cooperación entre a Consellería de Sanidade, o Servicio Galego de Saúde e o Concello de Ourense  para o mantemento do modelo de excelencia europeo EFQM. Consiste na integración de medidas conducentes a reducir a demanda do consumo de drogas, así como outras medidas encamiñadas ó tratamento prevención e incorporación social dos problemas derivados do devandito consumo.

Na mesma sesión, aprobouse o plan de seguridade e saúde de tres obras: as obras de saneamento da marxe esquerda do río Barbaña entre Pozo do Inferno e rúa Carriarico, a obra de iluminación deportiva para campo de fútbol sete e campo de volei praia en Oira, e as obras de acondicionamento de espacios urbanos en Virxe de Fátima.

Asimesmo, A Ronda Bulevar comezou a materializarse coa aprobación inicial do estudio de detalle de tres Áreas de reparto: a AR 15-O Limoeiros II, a AR 19-O Marcelo Macías I e a AR 41-O Marcelo Macías II, redactados pola adxudicataria Fernández Carballada y Asociados S.L.
Tamén se aprobou a contratación do servicio de conservación, mantemento e mellora de zonas verdes de titularidade do Concello de Ourense cunha contía de 734.382,09 euros.
E por último, acordouse adxudicar a contratación do servicio de limpeza de dependencias municipais do Concello de Ourense a “Procedimientos de Aseo Urbano” PAU S.A., por un total de 611.784,82 euros.