Ourense xa forma parte da Rede AVE, una asociación na que agora mesmo están vinte cidades españolas que contan coa Alta Velocidade ou a van ter nun curto prazod e tempo.
A rede ten como obxectivo prioritario a promoción turística dos destinos que a integran desde as perspectivas de seren cidades comunicadas polo tren de alta velocidade.
A incorporación de Ourense a este colectivo supón, segundo o alcalde de Ourense, Francisco Rodríguez, "unha nova moi positiva, xa que nos vai permitir desenvolver proxectos de promoción e desenvolvemento turístico da nosa cidade, en colaboración con outras localidades españolas, para realizar un esforzo conxunto de promoción de Ourense, ó tempo que beneficiarnos das experiencias que se desenvolveron noutras cidades que contan con esta infraestructura, e aproveitar o AVE para relanzar en toda España o gran potencial turístico e termal que ten Ourense, como porta de entrada da alta velocidade a Galicia".
Actualmente forman esta rede as cidades de Madrid, Barcelona, Sevilla, Zaragoza, Córdoba,
Antequera, Puente Genil, Puertollano, Ciudad Real, Segovia, Valladolid, Guadalajara, Calatayud, Huesca, Lleida e Tarragona.
Todas elas teñen en común contar cunha infraestructura, como é a liña de AVE, que as conecta mediante a liña férrea. A elas se veñen de engadir, en calidade de membros adheridos, as cidades de Ourense, El Prat de Llobregat, León e Talavera de la Reina, nas que está previsto a medio prazo a súa conexión con dita infraestructura e unha parada AVE
Seis obxectivos prioritarios
A Rede de Cidades AVE ten como obxectivos prioritarios cinco, comezando por actuar conxuntamente no desenvolvemento de estratexias e accións promocionais dirixidas a operadores turísticos e outros profesionais para a difusión da imaxe que se corresponda cos intereses das cidades da Rede, como xa queda dito anteriormente.
Ademais, prevese realizar proxectos e propostas comúns destinadas a promocionar a Rede e cada unha das cidades que a integran, así como establecer políticas de intercambios de experiencias e resultados, en relación con cuestións plantexadas e resoltas en cada unha das cidades integrantes, traballando conxuntamente na análise do impacto e evolución da implantación do AVE nas mesmas.
O intercambio de información nas distintas Oficinas de Turismo das estacións; desenvolver, xestionar e difundir actividades culturais en proxectos e propostas comúns; e desempeñar o papel de interlocutor con institucións públicas e privadas relacionadas cos obxectivos da Rede, son os tres restantes obxectivos desta Rede de Cidades AVE do Estado á que xa perteñece Ourense. |
|