A asociación de acción social e cultural Nacionalistas do Ribeiro, que ten a súa sede en Paradela do Concello de Castrelo de Miño, xusto en fronte das instalacións do Clube Náutico, inaugura este domingo, día 22 de marzo, una exposición de pintura da Asociación de Pintores do Ribeiro. O acto inaugural terá lugar ás 12 do mediodía.
Esta exposición chega, segundo Nacionalistas do Ribeiro, "tras o éxito de público colleitado coa primeira exposición, Os tempos son chegados, o Himno Galego".