Na súa reunión ordinaria deste xoves, a Xunta de Goberno Local do Concello de Ourense adxudicou cinco proxectos máis dos autorizados polo MAP con cargo ao Fondo Estatal de Investimentos Locais. Os cinco proxectos agora xa autorizados totalizan un investimento de 609.269,22 euros.
Son os seguintes:
- Adxudicación provisional das obras de restauración do parque e pista polideportiva do complexo deportivo municpal de Os Remedios. As obras serán realizadas pola empresa Actividades, Construcciones e Voladuras, S.L, por un importe de 227.953,44 euros
- Adxudicación das obras de remodelación e dotación de equipamento na Praza de Santa Teresita. Serán realizadas por Construcciones Consgofer, por un importe de 49.066,26 euros.
- Adxudicación provisional das obras de ampliación e mellora da iluminación pública en varios puntos da cidade. Serán executadas pola empresa Manuel Gil, e suporán un investimento de 116.561,44 euros
- Adxudicación provisional das obras de mellora do local da Asociación de Veciños de Velle, no antigo colexio, en planta baixa, alta e cuberta. As obras serán realizadas pola empresa Construcciones Añel Pato, por un importe de 98.304,20 euros
- Adxudicación provisional das obras de mellora do local da Asociación de Veciños de San Miguel de Canedo, en planta baixa, alta e ampliación. Serán realizadas pola empresa Construcciones Añel Pato, por un importe de 117.383,88 euros.
|