"Os 500 demandantes de emprego que participarán en Innova esperarán desta iniciativa unha fórmula para mellorar a súa empregabilidade e acceder o mercado laboral". Deste xeito loubou o presidente da Deputación de Ourense, José Luis Balrtar, o Plan Innova en cuxo marco mantivo o titular da institución provincial este mércores un encontro con aspirantes a docentes de dito Plan.
Nesta xornada de orientación de formadores, Baltar Pumar estivo acompañado dos responsables da Unidade de Promoción do Emprego e Igualadade da Deputación, que explicaron o funcionamento do curso de conductoras de autobuses, orientado no seu día ó transporte escolar.
Os técnicos da Deputación subliñaron que na primeira edición destes cursos participaron 89 mulleres e remataron 81. Destas últimas, 68 accederon ó mercado laboral nos tres meses posteriores ó remate do curso, e máis do 90% das participantes recibiron ofertas laborais.
O Presidente da Deputación aludíu á importancia dos formadores e á calidade da docencia para que os alumnos afronten coas mellores condicións posibles a consecución dun posto de traballo.
Así mesmo, anunciou Baltar Pumar que neste mes iniciaranse os procesos de selección dun número moi importante de accións formativas que cubrirán tódalas comarcas da provincia.
"Temos un reto, converter a provincia de Ourense en lider na presenza de mulleres ó frente dos volantes dos autobuses, unha profesión na que están subrepresentadas, queremos que Ourense reflicta nesta profesión ata agora masculinizada, o que poden ser os resultados de proxectos ben feitos e a súa aportación para camiñar na igualdade de oportunidades", sinalou o titular da Deputación ourensá. |
|