Comezan este mércores as "Miniolimpiadas" que organiza o Concello de Ourense dende a Concellería que dirixe Ana Garrido, titular de Educación. Trátase dunha serie de actividades para uns 600 rapaces de centros educativos desta cidade. A primeira consistirá nunha charla a cargo da coordinadora do programa, a nadadora olímpica Paula Carballido. A segunda parte, de carácter práctico, desenvolverase no próximo mes de marzo.
As charlas están dirixidas a alumnos de 3º e 4º de Primaria e 1º e 2º da ESO dos oito centros educativo da cidade que solicitaron participar nesta actividade: os colexios Padre Feijoo, Luís Vives, Carmelitas, Mestre Vide, Curros Enríquez, Amadeo R Barroso, Albino Nuñez e CEE Miño-Velle. Participarán un total de 600 alumnos
Curso de Ioga para profesores
Tamén este mércores, segundo anuncia o Concello de Ourense, a Concellería de Educación iniciará un curso homologado para profesores "Ioga e Relaxación" de 20 horas de duración, que se desenvolverá nas instalacións do centro educativo Mestre Vide, os martes e mércores de seis a oito da tarde.
|