En A Pobra de Trives, onde o número 1 do BNG por Ourense celebrou un acto pre electoral este domingo, Alfredo Suárez Canal explicou que o xeito de entender e exercer a política do BNG é estando ao servizo do pobo, "facendo que os seus recursos redunden no beneficio público", para o cal o conselleiro de Medio Rural da Xunta de Galicia puxo como exemplo o recente e controvertido Concurso Eólico.
Sinalou Suárez Canal que "a Consellería de Industria mudou unha situación da que só se beneficiaban as grandes empresas de fóra sen ningún tipo de control", e aludiu ao temporal que Galicia sofre este días decindo que "hoxe estamos padecendo as súas consecuencias, en situacións, por exemplo, como a de hoxe de temporal, con curtes de enerxía eléctrica que padece sobre todo o rural".
"Nós non instalamos no poder, para nós non cabe a resignación, esta non entra no noso código político porque nós cremos no pobo, na xente e nas nosas capacidades, esta é a concepción que nós temos do Goberno", sinalou o cabeza de lista do BNG por Ourense, que se referiu ás enormes potencialidades do pais para desenvolver un modelo económico baseado na economía productiva, "a mellor fórmula para facer fronte á crise mundial", sianlou Suárez Canal.
Crise que, según o candidato nacionalista, é "consecuencia do modelo especulativo".
Segundo Suárez Canal, así a todo, "hai motivos para a esperanza, incluso nun contexto como o actual". |
|