O rexedor de Taboadela, Manuel Gallego, "demostra unha vez máis a falta de proxecto e o desgoberno que existe no seno do seu grupo", sinala o voceiro do PSdeG-PSOE neste Concello, Alvaro Vila, ao aprobarse proxectos que inclúen a construcción de beirarrúas en tres tramos diferentes da mesma estrada. O voceiro do PSdeG sinala que esta carretera non é de titularidade municipal, polo que os traballos lle competen a outra administración.
As beirrarúas a construir están no núcleo de Taboadela (67.190 euros), no acceso ó polideportivo (110.400 euros) e na travesía de Espiñedo, con un investimento de 119.750 euros.
Vila Araújo sinala que, pola contra, volven quedar esquecidos proxectos prioritarios para a veciñanza. "Unha das necesidades que ten constatado o propio Grupo Socialista e que teñen manifestado os veciños en reiteradas ocasións é a construcción na capitalidade dun centro para celebrar reunións e encontros", sinala o voceiro socialista. Os propios socialistas propuxeron a finais de decembro que se aproveitase os investimento que ía recibir Taboadela do Fondo Estatal para construir un centro sociocultural para dar cabida a todo tipo de actividades dinamizadoras deste concello e tamén coma lugar de encontro veciñal.
Dende o PSdeG se lamentan de que o rexedor non consensúe coa oposición as obras a incluir no Fondo Estatal, e que o seu grupo non tivera siquera a oportunidade de que se crease un debate en torno ás necesidades e prioridades. "A distribución dos fondos poderíase ter feito doutro xeito, pois construir tres tramos de beirarrúas nesta estrada non vai contribuir a dinamizar o concello creando infraestructuras que si son reclamadas pola veciñanza", sinála Álvaro Vila.
|