Este luns, día 15 de decembro, comeza ás catro da tarde o seminario práctico sobre lexislación ambiental que organiza a ONG Amigos da Terra, e que se prolongará ata o xoves, día 18.
Montse Valencia, responsable da área de Asesoría Xurídica de Amigos da Terra será a encargada de impartir este seminario sobre como protexer o medio ambiente dende a lei.
O curso está pensado para todos aqueles que non teñen coñecementos sobre lexislación e medio ambiente e para socios, colaboradore, voluntarios e achegados á asociación e sensibilizados coa protección do mesmo.
"Como aplicar na vida cotiá de todos/as nós a lexislación ambiental sen pensar que o descoñecemento da linguaxe xurídica sexa unha traba para non interceder ante unha agresión ambiental", é un dos obxectivos principais que Amigos da Terra pretende acadar con este seminario práctico.
|