A actividade ten como obxectivos utilizar o teatro como ferramenta lúdica e pedagóxica que estimule ós alumnos na aprendizaxe da lingua francesa a través dunha obra moi divertida na que, aínda que a lingua predominante sexa o francés, tamén hai algo de castelán nalgúns intres para así conseguir unha mellor comprensión.
A representación terá lugar no Teatro Principal, con tres funcións, ás 9:30, 11:00 e 12:30 horas, e participarán 800 alumnos de 15 centros de ensino da cidade.
A obra narra a historia dun rapaz de pouco máis de vinte anos, que nos explica como foi a súa adolescencia e o descubrimento de cousas como o amor, as discotecas, saír de noite....
Os profesores de lingua francesa dos centros asistentes recibiron con anterioridade a unidade didáctica da obra para facilitar o previo estudio do vocabulario en clase e realizar exercicios variados. Deste xeito, os alumnos poderán consolidar o vocabulario e estructuras adquiridas. A unidade didáctica pódese atopar na páxina web do Concello: www.ourense.es/educación A obra ten unha duración de 60 minutos e rematará cun coloquio cos actores.
Participarán un total de 800 alumnos de 15 centros de ensino distribuídos da seguinte forma:
- 1ª Sesión: IES E. Blanco Amor, Carballeira e Lagoas e C. Maristas.
- 2º Sesión: IES 12 de Outubro, X. Prieto Nespereira, Universidade Laboral, e O Couto, e CPI José G. García,
- 3ª Sesión: Colexios San José, Luis Vives e Guillelme Brown e IES Otero Pedraio, Portovello e X. Ferro Couselo.
|
