A partires deste luns ponse en marcha o Plan Estratéxico de Seguridade Viaria, que se traducirá na declaración de Seixalbo como "zona 30". Esto quere decir que 30 quilómetros/hora é o límite de velocidade dos coches que por aquí transiten.
Trátase, se dixo, dunha medida adoptada nun área na que, malia non ser nin peonil nin residencial, considerouse preciso priorizar o tráfico de viandantes. Esta acción combinarase con outros elementos que conviden a redución da velocidade, como elevacións da calzada, pavimentos especiais, mobiliario urbano ou desviacións do eixo de traxectoria dos veículos.

O Tenente Alcalde, Alexandre Sánchez Vidal destacou a importancia desta acción, que, segundo Sánchez Vidal, "aposta pola humanización do área de Seixalbo e pola seguridade e o benestar dos veciños". Así mesmo destacou o titular de Tenencia de Alcaldía de que se trate dun proxecto que contén unha serie de medidas negociadas e consensuadas previamente cos veciños, "de xeito que é froito do consenso e non terá carácter coercitivo".
Sánchez Vidal destacou tamén que é un proxecto no que "prima a xente do común, a xente sobre o automóbil, ademáis de ser un proxecto totalmente aberto e participativo".