Un total de 62 concellos serán receptores das axudas da Consellería de Innvoción e Industria para acometer as melloras precisas nas súas infraestructuras eléctricas, fundamentalmente en materia de redes. As axudas suman unha contía total de 1.099.298 euros. A provincia cun maior número de axudas é Lugo cun total de 22 (315.720 euros), seguida de Ourense con 21 (294.096 euros), A Coruña con 12 (322.900 euros) e Pontevedra con 7 (166.582 euros).
En Ourense os concellos aos que se lle conceden as axudas son A Bola, A Gudiña, A Merca, A Teixeira, Beariz, Boborás, Cartelle, Castrelo de Miño, Castrelo de Val, Cenlle, Coles, Larouco, Maside, Melón, Muíños, Os Blancos, Parada do Sil, Piñor, Pontevedra, Sandiás e Xunqueira de Espadañedo.

Os criterios primordiais para a concesión das subvencións remítense ás actuacións ligadas ao desenvolvemento dos servizos de potabilización e saneamento de augas; á potenciación dos servizos vinculados á terceira idade e a infancia e por último a todas aquelas actividades relacionadas coas instalacións culturais, polideportivas e de lecer. A porcentaxe de investimento financiada pola Consellaría sitúase entre  o 50 e o 70% do orzamento considerado como subvencionable.