|
|
|
|
|
O programa “Vai de Camiño” 2008, organizado pola Sociedade Anónima de "Xestión do Plan Xacobeo" da Consellaría de Innovación e Industria, continúa levando espectáculos e manifestación artísticas a concellos de toda Galiza polos que discorren os distintos camiños xacobeos. No que atinxe a Ourense, esta semana a programación desenvolverase en seis vilas, que son as de Riós, Paderne de Allariz, Amoeiro, Verín, Castrelo do Val e Vilariño de Conso, ao longo da Vía da Prata. Ó igual que a semana pasada, o programa arranca o martes. |
|
|
|
|
Vai de Camiño visita esta semana seis vilas de Ourense, comezando o martes por Riós |
|
11 de AGOSTO de 2008: OURENSE DIXITAL |
|
|
|
|
RIÓS. Vía da Prata. Martes, 12 de agosto. Ás 12.00 h., no Castrelo de Abaixo, música tradicional a cargo dos requinteiros “A Gaita de Sarandón”.
PADERNE DE ALLARIZ. Vía da Prata. Mércores, 13 de agosto. Ás 21.00 h., na Praza do Concello, tocará a banda de música de Antas de Ulla.
AMOEIRO. Vía da Prata. Xoves, 14 de agosto. No Campo do Souto, ás 13.00 h., interpretación da banda de música de Vilalba.
|
|
|
|
VERÍN. Vía da Prata. Xoves, 14 de agosto. Gran velada de música galega que comezará cos grupos de pasarrúas tradicionais Abelente e Ansuíña amenizando as rúas entre as 19 e as 21.30 h. Despois, ás 22.30 h. e na Praza de García Barbón, concerto da afamada gaiteira Susana Seivane e do grupo de Pepe Vaamonde, quinteto de música folk con dous discos no mercado.
CASTRELO DO VAL. Vía da Prata. Domingo, 17 de agosto. Ás 20.00 h., no Campo da Festa O Terrón, actuación do grupo de baile tradicional Donaire.
VILARIÑO DE CONSO. Vía da Prata. Domingo, 17 de agosto. Ás 19.30 h., na Praza do Concello, o grupo de novo circo “Cantares de Circo”. |
|
|
|
|
|
|
|
|
|
|
|
|
|
|
|
|
|
|