O concello de O Barco de Valdeorras contará con maquinaria para o acondicionamento de espazos naturais, segundo se recolle nun convenio asinado este venres polo conselleiro de Medio Ambiente, Manuel Vázquez, e o alcalde de O Barco de Valdeorras, Alfredo García. Deste xeito, a consellería investirá 82.399 euros na compra dos equipos necesarios para a conservación dos parques e xardíns do concello.

A axuda da Consellería de Medio Ambiente posibilitará a adquisición de medios materiais como rozadoras, tractor para cortar o céspede, cortasebes e retrocargadora. Pola súa banda, o Concello do Barco de Valdeorras realizará o mantemento e a conservación dos espazos naturais, tarefa da que se ocupará o persoal municipal. Na mesma liña, a entidade municipal encargarase dos labores de mantemento da rede de subministro de auga aos núcleos rurais.