Ata o 13 de xullo dende este mércores expóñense no Museo Municipal da rúa Lepanto da capital ourensá, as 45 fotografías de Xurxo Lobato que conforman a exposición "Os rostros da memoria". Son 45 fotografía que recollen "biografías públicas e privadas de costureiros, mariñeiros, zapateiros, escultores, mestres, intelectuais ou carpinteiros, homes e mulleres galegos que loitaron pola liberdade durante o franquismo".
"Rostros da memoria" constitúe un acto máis para converter aos represaliados en protagonistas dun tempo no que a recuperación da memoria é unha débeda que aínda queda pendente, sinala a Consellería de Cultura organizadora desta mostra. |
|