Montealegre será o primeiro polígono industrial do municipio de Ourense. Unha actuación que constitúe un dos eixos estratéxicos de actuación da Concellería de Promoción Económica e Emprego do Concello de Ourense no marco do Pacto Local polo Emprego, que desenvolve en colaboración cos axentes económicos e sociais. Dentro desta estratexia o Concello deseña a xeación de solos para asentamento de empresas en Montealegre, de uso industrial, Seixalbo, o campus universitario e na zona noroeste da cidade.
Explica o Concello de Ourense que a xeración de novo solo industrial en Montealegre/Santa Mariña require unha modificación do planeamento xa que na zona que o Plan de 2003 -actualmente vixente- clasifica como Solo Urbanizable para chan industrial, o trazado previsto presenta unhas pendientes viarias superiores ó 25% incompatibles coa lexislación, ademáis de non ter a saída adecuada por viario público no Concello de Pereiro de Aguiar. Así, o obxecto do contrato é elaborar unha modificación puntual do Plan dirixida á mellora das determinacións xerais para o desenvolvemento do solo urbanizable que garanta a súa viabilidade, e moi en particular no que se refire á máis adecuada solución técnica do sistema viario interior e exterior de conexión e á previsión dos servicios urbanísticos necesarios e das conexións exteriores coas redes xerais.
Outros acordos
Na mesma sesión, a Xunta de Goberno Local aprobou novas obras de mellora de espacios públicos en diferentes barrios da cidade mediante a adopción dos seguintes acordos:
• Aprobación do proxecto de mellora do Parque de San Rosendo, por un importe de 18.098,92 euros, e adxudicación das obras á empresa Viveros Centro Xardín.
• Aprobación do expediente de contratación da subministración e instalación de material para a mellora do alumado público no Xardín do Posío, ó que a Concellería de Medio Ambiente destinará un investimento de 69.565,57 euros.
• Adxudicación das obras de ampliación a excavación en área das sondaxes valorativas nas Burgas/UE-2: áreas 1-2. Os traballos serán realizados pola empresa Construcciones Poromociones Cruzval SL., por un importe de 173.860,01 con cargo ó proxecto Urban.
• Aprobáronse as bases que rexirán a convocatoria de axudas á rehabilitación de vivendas e edificios nas áreas de rehabilitación do núcleo histórico de Ourense e o núcleo etnográfico de Seixalbo. O Concello destinará a esta finalidade un investimento de 108.122 euros no Casco Histórico de Ourense e 25.825 en Seixalbo no presente ano 2008. Para o ano 2009, o investimento será de 402.550 no casco vello da cidade e de 121.360 euros en Seixalbo.
• A Xunta Local acordou tamén constituir un Comité de Expertos para a avaliación das ofertas presentadas no procedemento aberto para a contratación da redacción do Plan Especial de Protección do conxunto das fontes termais das Burgas e o seu contorno, declarado Ben de Interese Cultural coa categoría de sitio histórico.
O Comité de Expertos estará formado por Adolfo Rodríguez de la Rúa Román en representación da Consellería de Cultura, Javier Rivera Martínez, técnico de Administración Xeral do Departamento de Rehabilitación, Urbanización e Promoción da Vivenda do Concello, e Ana Isabel Fernández Blanco, arquitecta deste mesmo departamento municipal. |