Dende que, no ano 2006, Medio Rural asumise plenamente a organización e contratación do dispositivo de reforzo do verán, as persoas inscritas nas listaxes publicas de contratacións temporais da Xunta de Galicia, viron como en 2 anos, esta Consellería conseguiu vaciar de feito, unhas listaxes nas que estaban anotadas miles de persoas en toda Galicia e que, como tódolos anos, viñan sendo contratados logo de superar as probas físicas pertinentes.
O primeiro paso da demolición ata os cementos deste sistema de contratación público e obxectivo fora dado xa no mesmo ano 2006 cando Medio Rural, xa non fixera ningunha contratación nalgunha categoría profesional pese a existir listas de contratación, optando a Consellería nese verán por crear unhas brigadas experimentais (belugas) con xente sen experiencia e contratada de forma nepótica, dactilar e clientelar e como primeiro experimento iniciático de proba encamiñado a iniciar o desmantelamento do Servicio PUBLICO e a externalización da xestión da loita contra os incendios forestais.
No verán de 2007 a contratación de persoal a través das listaxes publicas de contratacions sufriu unha drástica restricción e produciuse a entrada en escena da empresa SEAGA, SA de forma real, visualizandose claramente xa cal iba a ser a verdadeira finalidade da creación deste chiringuito: fagocitar paseniñamente, fase a fase, tódos os 5500 empregos públicos fixos e temporais do dispositivo fixo e eventual do Servicio PUBLICO de Defensa Contra Incendios Forestais ata darlle a puntilla a un SERVICIO PÚBLICO ESENCIAL REITERADAMENTE VALORADO COMO CONTRASTADAMENTE EFICAZ EN TÓDOLOS ÁMBITOS PROFESIONAIS DO ESTADO
A principios de decembro de 2007, Médio Rural xa utilizou SEAGA, SA para suplantar aos 610 traballadores fixo discontínuos de plantilla do SPDCIF despois de cesalos irregularmente co argumento falso e mentireiro de que “non había carga de traballo”.
Neste verán de 2008 Medio Rural vai contratar a 2289 traballadores a traves da Sociedade Anónima SEAGA fronte a únicamente 500 polas listas públicas de contratacións da Xunta de Galicia optando pola inexperiencia fronte a experiencia e polo oscurantismo fronte a transparencia, despreciando o sistema publico de contratacion
Fai tan solo uns dias, no derradeira xuntanza do Consello da Xunta de Galicia celebrado o pasado dia 30 de abril, Médio Rural coa connivencia de todo o goberno bipartito consumou todos este feitos que dencunaimos e decidiu darlle unha auténtica puñalada ao SERVICIO PÚBLICO DE EXTINCIÓN DE INCENDIOS FORESTAIS ao encargándolle a xestion do reforzo de veran a SEAGA para o que se decidiu inxectar 21 millons de euros e consolidar asi dous operativos paralelos: por un lado o servicio publico transparente e eficaz e por outro o chiringuito seagasa , clientelar, opaco com condicions de traballo moi precarizadas e cunha incerta rendabilidade operativa e social.
Medio Rural, agora, liquida o sistema de reforzo da tempada de alto risco a pesar de funcionaba razonablemente ben e que era, na práctica, a verdadeira escola de probas e o viveiro do verdadeiro relevo xeracional dos traballadores de plantilla do servicio público
Medio Rural, conseguiu en 2 anos, o que nin xiquera intentou o anterior goberno en 16 anos de maioría absoluta: a creación pola propia administración autonómica dunha “sociedade anonima pararela” creada para suplantar o servicio e o dispositivo de reforzo públicos provocando que milleiros de traballadores com experiência que estaban inscritos nas listaxes publicas de contratacions, acaben por perder o interese en formar parte dun dispositivo e dun servicio que, ata o de agora era público, e que a partir de agora será externalizado, mais precarizado e mais caro para tódolos cidadáns.
Médio Rural, coa sua decisión, despreciou a centos de profesionais e prendeu a mecha da ignición lenta pero certa dun servicio publico esencial e eficaz no que 1600 traballadores de plantilla e ata 5500 en total na época de máximo risco levamos anos loitando contra os lumes nos nosos montes, arriscando as nosas vidas nunhas condicións laborais casi escravistas e cuns medios materiais máis que precarios na maioria das ocasións |