As obras serán realizadas pola UTE formada polas empresas Construcciones Orega S.L. E Construcciones Delfín Ferreiro”, e suporán un investimento de 274.957,30 euros, segundo acordou a Xunta de Goberno do Concello de Ourense de este xoves.
"O proxecto xurde ante a necesidade de acoller nun edificio de titularidade municipal os diversos servizos que a data de hoxe se atopan dispersos en varias dependencias de aluguer, mediante o acondicionamento deste inmoble de titularidade municipal", sinala o Concello.
Basicamente, mantéñense as divisións existentes, repáranse solos, paredes e teitos, actualízanse as instalacións, refarase parte da carpintería, e outra se retira para ser substituída mellorando as condicións térmicas e a climatización, sen plantexar variacións de volume nin altura. O proxecto foi redactado polo servizo municipal de Urbanismo, e a superficie construída manterase en 962,06 metros cadrados, cun total de superficie útil de 709 metros cadrados.
14.000 euros en subvencións para actividades culturais
Na mesma sesión, a Xunta Local aprobou a convocatoria pública de subvencións paras as persoas físicas ou xurídicas, asociacións, comisións e entidades sen ánimo de lucro, legalmente constituidas, que desenvolvan accións no eido da cultura no Concello de Ourense no exercicio do 2008. A Concello destinará 140.000 euros a esta convocatoria.
"O acordo da Xunta de Goberno Local xurde atendendo ó obxectivo prioritario do Concello de potenciar as actividades lúdicas, culturais e festivas nois barrios, considerando unha obriga inexcusable prestar apoio ás entidades que traballan neste eido e posibilitando a realización dun tipo de actividades de promoción, animación e difusión da cutura que sexa de interese á poboación", sinálase na resolución dos acordos da Xunta de Goberno.
Condea aos autores de pintadas na Praza Maior
A Xunta Local foi informada tamén da sentencia ditada polo Xulgado de Instrucción nº 2 de Ourense, pola que se condea a J.P.C e P.I.B.C. como autores dunha falta de danos ocasionados a bens de propiedade municipal (pintadas na Praza Maior) á pena de 4 días de localización permanente, así como a que, en concepto de responsabilidade civil, indemnicen ó Concello na cantidade de 150 euros, polos perxuicios causados.
As dilixencias incoáronse como consecuencia da denuncia interposta por axentes de Policía Local, que ás 20:17 horas do día 20 de outubro de 2007 sorprenderon ós denunciados cando realizaban pintadas na Praza Maior. Os feitos foron recoñecidos polos denunciados.
|