Gañadora do Royal Overseas League Piano Competition en 2005, Nicola Eimer está considerada hoxe en día como un valor en alza entre os pianistas da súa xeración. Ofreceu recitais en St. Martin-in-the-Fields, Purcell Room e o Barbican, así como no Wigmore Hall de Londres, onde interpretou o Concerto nº1 de Shostakovich coa Royal Academy Soloist’s Ensemble dirixida por Clio Gould. Tamén tocou con prestixiosas orquestras como City of London Sinfonia, English Sinfonia, European Union Chamber Orchestra e Orchestra of the Swan.

 O I Festival Internacional de Música “Ourense, Pórtico do Paraíso” rematará o domingo, 24, coa actuación dos guitarristas húngaros Katona Twins, considerados na actualidade un dos mellores dúos de guitarra clásica. Será ás 20:30 horas, no Liceo, con entrada libre.