Coa aprobación do Plan Pacial da Canteraliña, Urbanismo do Concello de Ourense entende que se está a deseñar o crecemento da cidade polo seu extremo Sur. O Plan Parcial do solo urbanizabel número 18 afecta a unha superfeicie de máis de 110.000 metros cadrados xunto a estrada de Seixalbo, nas proximidades do Parque de Outeiro da Cuña, con un uso global residencial.
Aquí esta previsto construir un total de 469 vivendas, das que 122 serán unifamiliares, e as restantes edificaranse en bloques abertos, de catro plantas, cunha praza pública, unha zona axardinada de 13.255 m2 nas proximidades dos bloques de vivendas que conectará co parque de Outeiro, e un área de xogos infantís e recreo de 2.070 m2.
O plan parcial permitirá ó Concello obter a cesión de solo e urbanización da superficie para ampliar en 20.000 m2 o parque público de Outeiro da Cuña, así como o solo e urbanización dos eixes viarios previstos no Plan Xeral de Ordenación Municipal. Concretamente, a iniciativa privada asumirá o financiamento do tramo final da futura Ronda bulevar e a súa saída da cidade.

O desenvolvemento deste solo urbanizable permitirá tamén destinar a equipamentos públicos unha superficie de 11.902 m2, das que 5.000 serán para un equipamento deportivo que será urbanizado polos promotores e habilitaranse un total de 362 prazas de aparcamento público.  
Despois da súa aprobación inicial, na Xunta deste xoves, o Plan Parcial someterase a información pública, para a súa posterior aprobación definitiva. O seguinte paso será a presentación dos proxectos de compensación e, posteriormente, de urbanización.