Antes do verán, a Consellería de Política Territorial da Xunta de Galicia ten previsto sacar a concurso a adxudicación da obra do chamado "Eixo A-52-Celanova-Fronteira portuguesa", segundo anunciou a súa titular, a conselleira María José Caride. A obra terá un investimento dun 121 millóns de euros.
As previsións da Consellería son crear unha vía de alta capacidade entre a Autovía Rías Baixas, a A-52, e Celanova, con "sección de corredor" nos casi 19 quilómetros de lonxitude, o que suporá o seu desdobramento en autovía. No tramo que vai dende Celanova á Fronteira portuguesa, o previsto é unha mellora xeral do trazado e da capacidade da estrada actual, así como sendas variantes en Bande (2,6 quilómetros) e Verea (2,3 quilómetros). Neste último caso, sinala Política Territorial que xa se incorporaron ao proxecto varias modificacións atendendo as alegacións realizadas polos veciños de este concello.