tratamentos de quimio.
Deste xeito, Ourense convértese na primera provincia que oferta estes tratamentos de xeito descentralizado nos hospitais comarcais.
A Conselleira de Sanidade, María José Rubio Vidal, presentou este martes no Hospital de Verín a nova Unidade Oncolóxica-Hospital de Día para tratamento quimioterápico, que comezará a funcionar neste centro o luns que ven. Deste xeito completarase a descentralización desta terapia na provincia de Ourense, evitando o desprazamento periódico a Ourense dos pacientes desde estas áreas.
A nova unidade, estará baixo a responsabilidade clínica do Servizo de Oncoloxía do centro de referencia, no Complexo Hospitalario de Ourense, que asignará un especialista para supervisar, directamente desde o Hospital de Verín, os tratamentos e as revisións, así como a formación especializada do persoal seleccionado para atender este novo servizo, que contará cun amplo espazo propio na segunda planta, composto por un control de enfermaría, dous salas de administración de fármacos con oito postos e unha cama, despacho médico e sala de espera.
A nova unidade contará cun cadro de persoal composto por un profesional da Oncoloxía responsable, adscrito ao Complexo Hospitalario de Ourense, unha enfermeira asignada á preparación dos citostáticos (fármacos), no Servizo de Farmacia, e outro profesional da Enfermería e unha auxiliar para a administración dos tratamentos no Hospital de Día.
Segundo as previsións contempladas no proxecto, os seus responsables estiman que a nova unidade atenderá a unha media anual de 108 pacientes, que a súa vez asistirán a unhas 765 sesións de tratamento quimioterápico, e aproximadamente 540 consultas de revisión. Fundamentalmente atenderanse tumores sólidos en persoas adultas, dentro da patoloxía neoplásica. Asemade, cando non estiveran realizándose estes tratamentos, o Hospital de Día utilizarase para a realización de procedementos hematolóxicos, ou tratamentos sintomáticos, entre outros.
Tanto o proxecto de implantación desta unidade, como seu desenvolvemento, contou co apoio e coordinación a Dirección Provincial do Servizo Galego de Saúde en Ourense, dos servizos centrais da Consellería e das xerencias dos centros hospitalarios implicados, e, moi especialmente, do Servizo Oncoloxía do Complexo Hospitalario de Ourense, que responsabilizase do control dos tratamentos e das consultas de revisión directamente desde o hospital comarcal. |