compleméntase, ademáis, coa posta en marcha dun Premio Literario Escolar, que pretende implicar aos escolares de Secundaria e Bacheralato de toda Galicia, e coa creación dun blog (www.centrosocialcaixanova.com/blogs/literatura),
que xa está funcionando e que permite participar dun modo activo nun foro de debate literario e de reflexión campartida.
Qué é e cómo é
Partindo da pregunta Gústache escribir? exponse este curso co obxectivo de ofrecer unha actividade centrada no desenvolvemento da creatividade, a experimentación literaria e o pracer de escribir. Dende o primeiro día, todos os asistentes terán a ocasión de escribir textos propios utilizando as distintas técnicas que se irán poñendo en práctica nas clases, creando unha dinámica na que os participantes e, sobre todo, os seus escritos, serán os verdadeiros protagonistas.
O obradoiro, que dispón de 20 prazas, está dividido en 8 sesións, cun programa que fará un percorrido polos distintos aspectos da creación e narración literaria: o relato breve, a novela, a poesía, e ademais, descubrirá a forma de evitar os erros máis frecuentes nun texto. |