Os concellos de A Veiga e Esgos serán obxecto de sendos investimentos de casi un millón de euros por parte da Consellería de Medio Ambiente da Xunta de Galicia en actuacións en materia de melloras nas redes de abastecemento e saneamento a pobos destes municipios. Así o acordou o Consello da Xunta deste xoves.

No caso de A Veiga executaránse dúas redes separativas de pluviais e saneamento, canalizando estas últimas á estación depuradora. Esta obra ten un orzamento de 518.000 eruos, e Medio Ambiente conta que con ela se contibuirá a mellorar o funcionamento das redes e da propia depuradora. A obra ten un prazo de execución de ano e medio, 18 meses.
A máis curto prazo se farán as que se proxectan en Esgos, 6 meses. Aquí o Consello da Xunta deu o visto bo a dous proxectos para dotar a sete núcleos de poboación de novos servizos de abastecemento e saneamento. A obra totalizará 459.500 euros, e consistirá na construcción das redes principais de saneamento á Pardeconde, Lobaces, Esgos e a conexión de Alto do Couso ata Cachamuiña; así como a dotación de abastecemento a Soutelo, Laioso, Lama e Tarreirigo.