Entre 400 e 450 persoas prevé xuntar o Partido Popular na cea-mitin deste venres a celebrar a partires das nove da tarde-noite nos locais de Aixiña, e coa que o presidente do partido en Ourense, José Luis Baltar, botará a andar a precampaña das Xerais do 9 de marzo próximo. Ademáis está previsto que falen Celso Delgado, cabeza de cartel ao Congreso, e Enrique Novoa, o ex alcalde e portavoz do Grupo Municipal do PP.

Especial mención nestes casos merecen sempre os apoderados e os interventores do partido. O PP ourensán invita especialmente os que exerceron como tales nas Municipais do ano pasado. Ademáis estarán presentes tamén os membros da xunta local do PP, así como, lóxicamente, as candidaturas ao Congreso e o Senado ao completo. Segundo o partido, "o acto inscríbese no calendario de actividades preelectorais que o PP ten previsto desenvolver na cidade de Ourense".