O presidente da Xunta de Galicia, Emilio Pérez Touriño, e a conselleira de Política Territorial, María José Caride, visitaron este mércores as obras do treito Cea-A52 da chamada "autovía libre de peaxe AG-53 Dozón-Ourense". É o último treito da autovía de titularidade autonómica de 31 quilómetros na que o goberno galego está a investir máis de 130 millóns de euros. Segundo as valoracións técnicas aportadas, a nova autovía disminuirá nun 10% a lonxitude do percorrido entre Dozón e Ourense, e suporá un aforro de tempo duns 30 minutos.
Os catro carrís, dous en cada sentido, están repartidos en dúas calzadas de 11,25 metros de ancho cada unha separadas por unha mediana de 3 metros, e ao longo dos 13 quilómetros que totaliza este último treito da autovía, dispón de enlaces completos en Maside e á A-52, a Autovía "Rías Baixas". Totaliza o treito 4 viaductos, 5 pasos superiores e 11 inferiores.

O presidente da Xunta de Galicia ratificou, así mesmo, o carácter grautito deste novo tramo de autovía, para "garantir a cohesión e o reequilibrio territorial, favorecendo o desenvolvemento económico e social da provincia de Ourense dentro da cal as estructuras xogarán un papel esencial de cara ao futuro". Segundo Presidencia da Xunta, "a mobilidade dos ourensáns verase mellorada coa modificación dos enlaces previstos en Maside e Piñor".

Máis infraestructuras

Así mesmo, o presidente da Xunta, aínda sen afondar nas caracteristicas das obras nin desglosar plazos por tramos, anunciou que no 2012 estará rematada a conexión con Porgual por Verín e Chaves, e neste mesmo ano a autovía que enlazará entre Ourense e Lugo. Neste caso, anunciou Pérez Touriño que as obras desta autovía comenzarán este mesmo ano.