“Nós entendemos que Galiza e Ourense non teñen sentido sen un medio rural forte e dinámico”, afirmou Tabarés durante unha visita a unha explotación gandeira en Leiro, e para iso é necesario que as medidas que está a levar a cabo a Consellaría de Medio Rural, “modestamente creo que con éxito”, deben contar cunha “complicidade” e “colaboración” do goberno central “que non atopamos” e referiuse, concretamente, á negociación da OCM do leite.
Pola contra, Iago Tabarés expuso que o BNG reclamará tamén que mude o criterio de distribución homoxénea por comunidades imposto pola ministra e candidata do PSOE por Ourense, Elena Espinosa, co obxecto de primar aquelas que, como Galiza, producen por riba da cota que teñen, como ten acontecido durante os dous últimos anos. O candidato nacionalista lembra que froito desa decisión de territorializar as cotas, cun 80 por cento por cada comunidade, o estado español deixou de producir, no último exercicio, 100.000 toneladas, pois hai comunidades onde hai máis abandono que demanda.

O candidato do BNG ao Congreso por Ourense, Iago Tabarés, argumentou hoxe que é necesario que Galiza conte con voz propia en Madrid para defender e propiciar políticas agrarias que favorezan comunidades como a galega que, por exemplo, conta co 53 por cento dos productores de leite do Estado e a terceira parte da cota, "mais sofre dunhas políticas por parte do Estado que, en moitos casos, están indo en contra dos seus intereses".