A Concellería de Educación do Concello de Ourense, dentro do programa de actividades “Teatro e Cine na Escola”, organiza representacións teatrais en inglés da obra “Drakula” coa finalidade de fomentar o uso da lingua inglesa entre os escolares ourensáns.
As representacións correrán a cargo da compañía de teatro “Firewalk Theatre”, formada por profesionais de teatro ingleses e españois bilingües. Con moita anterioridade á representación, enviouse ós profesores de inglés dos centros participantes unha unidade didáctica  para así poder preparar o vocabulario e o contido da obra cos alumnos na aula

para unha mellor comprensión.
As tres representacións terán lugar no Teatro Principal, este martes as doce e a unha e media para alumnos dos IES Otero Pedraio, IES As Lagoas, CPI José García, IES Universidade Laboral e EPA., e seguirán o mércores as nove e as once e media da mána con alumnos de outros  12 centros educativos da nosa cidade.

Por outra banda, O Concello organiza tamén dúas charlas sobre a Historia dos Xogos Olímpicos para escolares de Primaria do colexio Franciscanas, dentro do programa “Educación e Deporte”
Trátase da  actividade “I Miniolimpiadas ourensás”, que organiza tamén a Concellería de Educación do Concello de Ourense, e que  continuará este martes  no colexio Franciscanas, dende as 11:30 ata as 13:30 horas, con dúas charlas dirixidas a alumnos de Primaria, que coñecerán a Historia dos Xogos Olímpicos, dende a era antiga ata a moderna. As charlas serán impartidas pola deportista e coordinadora do programa “Educación e Deporte”, Paula Carballido.
Con estas dúas charlas rematará a primeira fase da actividade “I Miniolimpiadas ourensás”, que consistiu en achegar ós nenos a historia das Olimpiadas a través de charlas nos centros educativos. A segunda parte, de carácter práctico, comezará no próximo mes de marzo, coa realización de diferentes probas deportivas entre os alumnos dos colexios participantes.