A Consellería de Medio Rural ven de ser condenada a pagarlle aos traballadores fixos-discontinuos do Servicio de Extinción de Incendios Forestais que non foron contratados o día 5 de febreiro deste ano, con efectos retroactivos á data na que sí o foron aqueles que suscribiron o que a Consellería chamou "Acordo de Eficacia Limitada". Así o manifesta Comisións Obreiras, que acaba de coñecer o fallo favorable a defensa feita no seu día dos dereitos de ditos traballadores.
Deste xeito, a Consellería vese obrigada a abonarlle a estes traballadores aproximadamente mes e medio de xornais, a pesares de que ditos traballadores non prestaran servicio ao non seren contratados.

Segundo Comisións Obreiras, a sentencia "declara o dereito do traballador a que a súa actividade laboral teña efectos retroactivos desde a data do 5 de febreiro de 2007, coas correspondentes reparacións económicas e legais (salarios e alta na seguridade social)". O tribunal entende, según Comisións Obreiras, que "houbo discriminación grave contra os traballadores fixos-discontinuos, que non subscribiron o acordo de eficacia limitada".
A tenor da resolución xudicial, CC.OO. eleva o tono crítico xa non só contra o director Xeral da Consellería de Medio Rural, ó que se acusa de directo culpable da situación, senón tamén ao presidente da Xunta. Afirma Comisión Obreiras que "chegará un momento en que as actuacións estrambóticas e incoherentes do Director Xeral de Montes e da súa tropa comprometan de verdade a credibilidade da totalidade do Goberno Bipartito, e terminen deixando en ridículo o mesmísimo Presidente, que afirmou no Parlamento que os fixos descontinuos ían traballar, como mínimo, 9 meses este ano".

Comisión Obreiras pide públicamente ahora ao Conselleiro que aplique a sentencia, que manteña o Servicio de Extinción de Incendios Forestais hasta polo menos o 5 de novembro como nun principio anunciou, e que, aínda máis aló desta data, prolongue a contratación para facer con traballadores propios da Xunta as tarefas de Prevención.