Este xoves, 20 de setembro, remata o prazo para inscribirse no programa do Grupo Xuvenil para Actividades Medioambientais do Carballiño deste mes de setembro.
Concretamente a actividade prevista para este mes é unha ruta guiada pola paraxe do Puzo do Lago no Concello de Maside, que terá lugar este sábado, día 22, a partires das 10:30 Hs.

Nesta actividade que estará guiada por monitores, se darán a coñecer os valores naturais, históricos e arqueolóxicos deste espazo "único na nosa comarca", sinala o Grupo organizador, así como a necesidade de protexelo. Tamén se fará unha actividade de avistamento de aves.

O número de prazas é limitado, e os interesados só dispoñen de este xoves para anotarse a través do correo vivemaside@gmail.com ou no teléfono 988 401 108.