No caso do barrio da zona da Estación de Autobuses, segundo Troitiño López "humanizar a plaza interior" da barriada, así como crear unha pasarela peatonal que comunique as vivendas e a zona de esparcimento que discurre entre a carretera Nacional 120, mailas ribeiras do río Miño. "En resumen, a creación dunha zona peatonal que salve o trazado da nacional ó seu paso por este barrio", sinalou o candidato do Partido Galeguista.
Así mesmo, plantexa a "recuperación da zona verde para o barrio", unha total e nova creación de zona verde unha vez se leve a cabo a creación da estación Intermodal do AVE, Estación de autobuses e RENFE.
Indicou tamén o candidato do Partido Galeguista que é preciso que neste barrio se teñan en conta "as deficiencias de construcción nas vivendas e garaxes, as cales están a producir humidades. Todas estas deficiencias aínda que pasase o tempo o Instituto Galego de Vivenda, a Consellería, e sobor de todo a súa conselleira, así como o concello de Ourense deben asumir as responsabilidades pertinentes, para mellorar a calidade de vida dos veciños", sinalou o candidato do PG.
Na súa seguinte visita ó barrio da Cruz Alta, Troitiño López suliñou na Asociación de Veciños "Agarimo" que "é preciso abrir o vial da rúa de Xunqueira de Espadañedo", o cal se atopa na actualidade bloqueado por unha finca maila casa dunha persoa "moi notable desta cidade", dixo Troitiño López.
En concordancia con esto, sinalou o candidato do Partido Galeguista que "é especialmente necesario e urxente neste barrio levar a cabo unha planificación exhaustiva do tráfico e a circulación".
Ó igual que fixera noutros barrios xa visitados polo líder do Partido Galeguista en Ourense, Troitiño López referíuse na Cruz Alta tamén a necesidade de incrementar a presencia policial e, con elo, a seguridade cidadá, artellar aparcamentos para residentes y mellorar a limpeza sin esquecer que "tamén nos barrios, coma no centro da cidade, hai que soterrar os contenedores do lixo". |
