Francisco Rodríguez asegura que o Palacio de Congresos “non será un edificio máis, senón un centro de referencia da cultura galega” e, para elo, crearase un padroado no que haberá distintos representantes da universidade e a cultura ourensana, e disporá dun equipo xerente, que se encargará da realización dun plan estratéxico de dinamización cultural, no que se de cabida as distintas manifestacións das ciencias e as letras galegas.
En concreto, a intención do candidato socialista á alcaldía de Ourense é potenciar a celebración de xornadas e congresos de investigación de ámbito nacional e internacional, en colaboración coa Universidade de Vigo e a vicereitoría do campus ourensán.
“Quero convertir a Ourense na porta de entrada en Galicia da cultura e a investigación de ámbito nacional e internacional, o lugar de intercambio de experiencias comúns no eido cultural, e nun elemento dinamizador do turismo científico que, sen dúbida, contribuirá a consolidación de máis prazas hoteleiras na cidade”, asegurou Francisco Rodriguez.
Neste sentido, o lider socialista ourensán sinalou que esta potencialidade termal incidirá na organización de varios encontros internacionais e suporá un revulsivo para a hostelería e o comercio de Ourense. Francisco Rodríguez contribuirá a profesionalización da promoción turística da cidade, de acordo co compromiso que adquiriu esta semana con representantes do sector turísticos duranta unha reunión con touroperadores.
|
