D. Enrique Nóvoa López, en nome e representación do grupo municipal do Partido Popular do Concello de Ourense, conforme ó artigo 94.1 do R.O.F., presenta ó Pleno da Excma. Corporación Municipal a seguinte
Moción:
EXPOSICIÓN DE MOTIVOS:
Recentemente cumpríronse corenta anos dende que a banda terrorista ETA reivindicara a súa primeira acción mortal co asasinato do Garda Civil José Ángel Pardines Arcay. Nestas catro décadas, a banda asasina cometeu múltiples atentados que costaron a vida a preto de 900 persoas de toda procedencia: policías, gardas civís, militares, docentes, concelleiros, xornalistas, empresarios, sindicalistas… A pesar do sufrimento da sociedade, hoxe en día queda pendente un recoñecemento claro e explícito a todos estes cidadáns que deron a súa vida en defensa da liberdade e a democracia.
Con todo, hoxe segue patente unha das manifestacións de maior indignidade para as vítimas de ETA, como é ver o nome dos seus verdugos en rúas e prazas do País Vasco e Navarra, tendo que recorrer a sentenzas xudiciais para conseguir a retirada de placas desas rúas e prazas dos municipios de Euskadi.
Moitas asociacións cívicas reclaman que sexan retirados eses nomes que manchan a dignidade das vítimas, apoiando, ademais, que nos máis de 8.000 municipios españois realícense actos públicos de recoñecemento ás mesmas. Vítimas que son de todas as ideoloxías, de todos os lugares de España, de toda condición social, profesional, económica ou cultural, sen distinción de sexo, nin de idade; vítimas que viron vulnerado o seu dereito fundamental de liberdade por a imposición totalitaria dun único pensamento. A liberdade e a dignidade humana son valores que teñen que estar presentes na acción política e defendidos con firme determinación polos representantes do pobo elixidos democraticamente.
A acción da xustiza, a persecución policial, o impulso da lei e do estado de dereito, así como a unidade dos demócratas non son suficientes para derrotar ao terrorismo se non van acompañados do recoñecemento ás vítimas por defender a liberdade, por non silenciarse ante as ameazas sufridas por defender España e o seu marco de convivencia, converténdose nun referente ético. É por iso que a sociedade española debe memoria, dignidade, e xustiza a todas as vítimas do terrorismo, sexan quen sexan os seus verdugos: ETA, GRAPO, Terra Lliure, yihad radical islámica…
É a calor que necesitan as vítimas, as súas familias e persoas máis queridas, e por iso, o goberno máis próximo a eles, o dos concellos e deputacións, é quen ten que demostralo dunha forma indeleble, mediante a adhesión a esta moción de todos os partidos integrantes da nosa corporación.
Por todo isto, facemos a seguinte
PROPOSICIÓN PARA A SÚA APROBACIÓN
- Dedicar o nome de “Vítimas do terrorismo” a unha praza ou rúa do noso concello en sinal de respecto ao seu sacrificio persoal como vítima do terrorismo e en recoñecemento e admiración do municipio aos valores de liberdade e democracia polos que foi asasinado.
- Que no acto de colocación da devandita placa celébrese, con participación da sociedade civil, unha homenaxe de recoñecemento ao seu sufrimento, á falta de atención que padeceron as vítimas e ao seu importante papel en defensa das liberdades.
|
