O Campo da Feira acolle este sábado, día 6 de xullo, o VI Arepazo, a festa da gastronomía, a cultura e as costumes de Venezuela, protagonistas desta nova edición feiral. A actividade está organizada pola Asociación Ourensá Venezolana Alma Llanera en colaboración coas concellerías de Benestar Social e Industria e Comercio do Concello de Ourense.

A sexta edición da Arepazo conxuga nesta ocasión o termalismo co certame, e pretende poñer en contacto as culturas ourensá e venezolana ao tempo que potenciando o termal da cidade. O programa inclúe un percorrido termal, actuacións musicais e culturais, un torneo de dominó e de bolas criollas, así como gastronomía e animación dirixida aos máis cativos.

Precisamente coa saída do tren turístico pola ruta termal ás 11 da mañá dende o Campo da Feira ata o Casco Histórico da cidade, darán comezo as actividades desta celebración.