A falta de dous días para o comezo das Festas de Ourense deste 2013, presentouse este mércores no Concello de Ourense o Festival Derramerock, que se celebrará en Benposta o venres 27 e o sábado 28 de xuño
Nesta presentación, o alcalde de Ourense, Agustín Fernández, e a concelleira de Cultura, Ana Garrido, estiveron acompañados do director do festival, Enrique Granda e por Charli Domínguez, compoñente do grupo Los Suaves.

O director do festival, avanzou detalles da montaxe que comezará a partir xa deste xoves, 20 de xuño.
Esta XVIII edición do Derramerock contará con máis de 4.000 m2 de carpas e xa esgotou as habitacións de varios hoteis da cidade. A maiores, Enrique Granda, aclarou que para o concerto de Melendi xa vendeu máis de 6.500 entradas.
Posteriormente, Charli Dominguez, espuxo que por o concerto de Los Suaves, La Reunión, pasarán a maioría dos compoñentes da mítica formación durante estes máis de 30 anos de existencia. Los Suaves La Reunión será unha actuación no que os membros pasados da banda se están a implicar con ensaios dende fai semanas, para ofrecer o mellor dos concertos. Charli Domínguez, baixista do grupo, incidiu en que "erá un deses concertos no que, pasado o tempo, un poderá decir que estivo alí".

Pola súa banda, o alcalde de Ourense, Agustín Fernández, agradeceu a implicación dos organizadores, e subliñou o compromiso para conseguir obxectivos adaptando os recursos existentes. E puxo o exemplo no Derramerock, onde, con menos orzamento, Ourense terá un evento de primeiro nivel, que atrae a moita xente a cidade, ademáis do concerto de Melendi, segundo sinalou o rexedor municipal.