A carreira deste 29 de xuño do III Circuito de Carreiras Correndo por Ourense, cuxo desenvolvemento se fixaba no entorno do río Barbaña nesta cidade, sairá e rematará no Pazo dos Deportes Paco Paz de Finca Sevilla, segundo ven de confirmar o Consello Municipal de Deportes.
Trátase dun cambio de ubicación do punto de saída e da meta da Carreira Nocturna de Ourense que conforma, xunto con outras cinco que comezaron a desenvolverse o pasado 28 de abril, o cartel deste III Circuito.

En principio, a Nocturna deste 29 de xuño é a carreira co percorrido máis longo das seis do cartel deste ano, xa que totaliza casi 7 quilómetros.
O resto das previsións feitas para este Correndo x Ourense manténense. O III Circuito de carreiras rematará coa da Carballeira, o día 27 de outubro.