A concelleira de Urbanismo, Áurea Soto e o concelleiro de Termalismo Vázquez Barquero, veñen de presentar o Estudio de Detalle e o Proxecto de Reparcelación da Área das Burgas, no que o Concello de Ourense figura como titular único do sólo, indemnizando aos propietarios anteriores do mesmo e proxectando unha actuación que seña de excepcional singularidade sobre unha única parcela de resultado.

A Xunta de Goberno Local aprobou, na súa xuntanza deste mércores, o Estudo de Detalle da área de reparto As Burgas que declara o contorno Ben de Interese Cultural con categoría de sitio histórico, a Ordeación Provisional, aprobada pola Xunta de Galicia, o Plan Estratéxico de Termalismo de Ourense e en consonancia cos Proxectos estratéxicos da cidade de Ourense, como a Ronda Termal e o anteproxecto da mesma, seguindo as directrices das D.O.T. para Ourense e a declaración do Parlamento de Galicia de Ourense como Capital Termal de Galicia.

O Concello recolle no Estudio de Detalle da zona das Burgas a proposta dun proxecto único a que obrigaba o Plan especial, recoñecendo a singularidade desta intervención para o conxunto da cidade. A concelleira de Urbanismo, Áurea Soto, suliñou na súa presentación esta mañá, a intención prioritaria de "sentar as bases para o primeiro centro termal da cidade e que a intervención conte con aqueles mínimos que garantan a súa viabilidade como explotación económica empresarial en consonancia coas súas posibilidades hoteleiras, terapéuticas e lúdicas".
As singularidades da ubicación, a súa complexa topografía, e a súa incidencia nas condicións de acceso ao contorno obxeto de estudo, a densidade de tráfico e circulación e a xestión dos aparcadoiros e das instalacións, requiren dunha solución unitaria, sinala o Plan de actuación.
Asúmese a conservación das edificacións protexidas (cadea, baños de Outeiro e calzada dos Pelamios), a integración de espacios públicos, especialmente no cauce do río Barbaña, cun único proxecto constructivo que incorpore o uso comercial e de oficinas ao uso principal: hoteleiro, lúdico e balneario.

A antiga Casa de Baños, hoxe demolida e a antiga cadea, hoxe en fase de rehabilitación, son a peza clave para o uso balneario, proxectándose ambas en continuidade aos usos lúdico e comercial na rúa Canella do Rastro e a baixada do Outeiro, dotando á fachada do Barbaña unha unidade constructiva e formal.
Establece o Estudio de Detalle o parámetro dunha única parcela de resultado no que desenvolverase toda a actuación, e  fixa o Sistema de Cooperación, abranguindo unha superficie total de 12.199m2 de solo urbán non consolidado, cun aproveitamento lucrativo de 14.000 m2.

Tras unha primeira fase de planeamento coa conseguinte clasificación e calificación do solo, que recolle a ordeación provisional ante a anulación do PXOM de 2003, optouse polo sistema de Cooperación para a parcelación dos terreos. Este sistema defínese con dous caracteres fundamentais: por unha banda, a aportación do solo é de cesión obrigatoria por parte dos propietarios, por outra, a execución será levada a cabo pola Administración, neste caso o Concello, sendo as obras de urbanización a cargo dos propietarios e a reparcelación dos terreos convírtese nuha unidade de execución.

Aprobado inicialmente, o Estudo de Detalle pasa agora a someterse a periodo de información pública, no cal se poderán presentar alegacións. Unha vez finalizado o prazo e recibidos os informes de Patrimonio da Xunta de Galicia e Confederación Hidrográfica, procederase ao rexistro da nova propiedade baixo titularidade municipal e dará comezo a actuación para convetir a zona na peza clave da capital termal de Galicia. Así mesmo Aprobado inicialmente, o Proxecto de Equidistribución pasa agora a someterse a periodo de información pública, no cal se poderán presentar alegacións.

Proxecto de equidistribución: indemnizacións

Na mesma xuntanza, a Xunta de Goberno Local aprobou inicialmente o Proxecto de Reparcelación, que establece o seguinte:

Os propietarios iniciais dos terreo son 6, ademáis do Concello de Ourense: 2 maioritarios, (Xardíns das Burgas, Baños de Outeiro) e 4 propietarios minoritarios.
Todos serán indemnizados polo Concello nun total de 818.727,23 euros, a repartir do seguinte xeito: 386.000 Xardín das Burgas, 404.000 Baños de Outeiro e 28.000 euros entre os 4 propietarios minoritarios, fronte aos 15 millóns de euros solicitados inicialmente polas partes afectadas.

Con isto, o Concello pasa a ser o único titular do solo para poder acometer unha única actuación, reconvertindo a área de reparto AI-10, nunha única parcela de actuación.