O Concello de Ourense, a través da Concellería de Tráfico, vén de levar a cabo unha acción en 35 centros de ensino da cidade, co obxectivo de reforzar e implementar a seguridade dos escolares nos seus desprazamentos diarios, revisouse a sinalización vertical dos arredores dos colexios, incluídos os sinais reflectarios amarelos das zonas escolares.

En canto á sinalización horizontal foron repintados 25 pasos de peóns, complementado con 50 novos metros de liñas de preaviso de bandas sonoras instaladas nas inmediacións aos colexios e repintando liñas amarelas nos accesos.
A renovación dos sinais indicativos de parada de autobús escolar en 10 puntos e implementación da sinalización con 8 novos símbolos de redución de velocidade a 30 quilómetros por hora, completan a acción da sinalización horizontal.

Por outra banda, a medida contempla melloras na sinalización vertical, con 7 novos sinais S-13 (indicativos de pasos de peóns) fluorescentes, colocados naqueles centros nos que se aprecia unha maior afluencia de vehículos. Que son os CEIP Curros Enríquez, Padre Feijóo, Divino Maestro, Irmás Villar e O Couto. Así como dous sinais nos accesos a Maristas.

Sinala o Concello de Ourense que esta medida responde ó obxectivo do Concello de Ourense de mellorar a seguridade nos desprazamentos tanto a pé como en vehículos ós centros escolares. A campaña está estreitamente relacionada co proxecto da Concellería de Educación Camiño Escolar.