O Concello de Ourense fixo entrega este luns no Salón de Plenos do Concello, dos diplomas e trofeos aos 10 alumnos que superaron as probas das dúas primeiras fases do XIV Concurso Provincial de Educación Viaria, realizadas no Parque Infantil de Tráfico nos meses de abril e maio.

No concurso podían participar os alumnos e alumnas de 5º e 6º de Primaria, e na actividade foron seleccionados 100 de entre todos os que participan no programa ao longo do ano, sempre en función das valoracións que os técnicos da DGT e do Concello realizan do seu rendemento anual, quedando seleccionados 28 alumnos nunha primeira fase, e 10 na segunda.
Estos 10 alumnos superaron as probas teóricas relativas á normativa e sinalización vial e as probas prácticas de habilidade e destreza na conducción de karts e bicicletas, realizadas en horario non lectivo.

No programa, coordinado conxuntamente polas Concellerías de Tráfico e Educación, ao Parque Infantil de Tráfico As Burgas, instalado no recinto feiral de Expourense, asistiron 2.990 alumnos e alumnas dos diferentes centros da cidade e máis de 800 aumnos de centros de Educación Primaria da provincia, de entre 3º e 6º de Primaria.

O primeiro e segundo finalista recibiron os seus galardóns este luns de mans da concelleira de Educación Ana Garrido, ao igual que os semifinalistas:

1º premio: Raúl Delgado Boó, de 5º de Primaria do CEIP Seixalbo
2º Premio: Iria Muñiz González, de 6º de primaria do CPR Santa Teresa

Os semifinalistas, todos de 6º curso de Educación Primaria, foron:
Ismael Rodríguez Pereira, do CEIP Prácticas
Oscar Bravo González, do CEIP Prácticas
Fernando Rodríguez Sousa, do CPR San Pío X
Ana Mangana Molina, Primaria do CPR Salesianos
Miguel Seara Cobelas, do SPR Salesianos
Paola Araujo González, do CPR Santo Ángel
Brais Rivada Pérez e Miguel Sánchez Botana, do CPR Santa Teresa

Ao acto de entrega dos diplomas asistiron, ademáis do concelleiro de Tráfico e a concelleira de  Educación, o Xefe Provincial de Tráfico, David Llorente, o vicepresidente da Deputación, Rosendo Fernández, a Xefa Territorial da Concellería de Educación, Mª Mercedes Galelgo Esperanza, e o xerente de Expourense, Alejandro Rubín.