Respostando a ese proxecto museístico que concibe o Museo Municipal de Ourense "como museo de todos os ourensáns", a Concellaría de Cultura pon en marcha unha nova exposición que dirixe a mirada á historia da cidade e os seus habitantes. Miscelánea, do artista ourensán José Carlos Vázquez Basalo, é unha colección de 20 lenzos nos que o pintor evoca o Ourense dos anos 60, 70 e 80, as súas personaxes e espazos da sociedade e do lecer.  Un percorrido por instantáneas que reproducen espazos emblemáticos como a desaparecida sala de festas Auria, na rúa do Paseo, ou lembran os pioneiros da música pop local, coma Os Murciélagos ou Os Ben Posta.

A colección Miscelánea que se expón desde este mércores na SALA I do Museo Municipal amosa "escenas en interiores que emanan ourensanismo, e escenas ao aire libre, como xogos tradicionais".
O denominador común e a luz e a cor que dominan as composicións figurativas, construindo unhas imaxes que, segundo a Concelleira de Cultura, Isabel Pérez, no acto de presentación este mércores da exposición, "transmiten un intenso sentimento de optimismo, que,  pola súa temática ourensá, convirtense en fe no nosos futuro como cidade e cidadáns".

Vázquez–Basalo, mestre, decorador e artista, forma parte do Museo da cidade desde os anos oitanta, coa obra Abside de Santa María Nai, número de inventario 261.
A súa proposta artística no Museo enmárcase porén "nese esforzo que desde hai 6 anos facemos por facer dos fondos do Museo os auténticos protagonistas", sinalou a concelleira Isabel Pérez, ao tempo que reinvindicou a faciana máis creativa e artística da cidade e contribúen a súa consolidación cultural.