Expourense acollerá entre este xoves, día 7 de xuño, e o venres, 8, as primeiras Xornadas Profesionais de Termalismo coa denominación "A cidade termal como modelo de desenvolvemento turístico, punto de encontro entre axentes empresariais e institucións".
As xornadas están organizadas polo Concello de Ourense e o Instituto de Turismo de España, no marco do convenio asinado por ambas institucións para o desenvolvemento do Plan Estratéxico Termal.
O alcalde de Ourense, Francisco Rodríguez, participará na inauguración ás 10 da mañá, que suporá o inicio dunha sesión que se prolongará ata as oito e media da tarde.

Un total de 176 persoas, -na súa maior parte profesionais do sector turístico e termal e estudiantes universitarios-, están xa inscritas nas xornadas, que incluirán unha mesa de debate sobre termalismo e desenvolvemento local, os modelos de xestión termal, a comercialización e promoción do turismo termal, as oportunidades de internalización para as empresas relacionadas co sector termal, a arquitectura termal e sostibilidade e o marketing termal serán algúns dos contidos que se desenvolverán durante os dous días de duración das xornadas.

Presentadas o pasado día 30 de mayo, o concelleiro de Termalismo do Concello de Ourense, José Ángel Vázquez Barquero, sinalou entonces que "o proxecto de Ourense como cidade termal ten que ser un proxecto cooperativo, de institucións e de inversores privados". Baixo este prisma, tanto o Concello de Ourense como Expourense, organizadores de eventos como Termatalia relacionados directamente co termalismo, concebiron estas jornadas de traballo e de estricto carácter técnico.