"A cultura é un investimento necesario que tamén contribúe a dinamizar a nosa economía", volveu a decir este xoves a concelleira de Cultura e Turismo, Isabel Pérez, ao explicar os datos de asistencia aos espazos expositivos pertencentes á Concellería de Cultural, xunto coa presentación do programación do Auditorio Municipal para este primeiro semestre de 2012.

A concelleira nacionalista destacou o aumento xeneralizado de público ao Auditorio Municipal, o Museo Municipal e ao Espazo Expositivo Arturo Baltar.
Cabe destacar que as persoas que asistiron no 2011 ao Auditorio Municipal son case o dobre que no ano 2007 (45.227 fronte a 85.975).
Esta cifra vese acompañada dun importante aumento das actividades levadas a cabo (288 no ano 2011 fronte a 116 no ano 2007).
Tal e como destacou Isabel Pérez, "é un éxito o incremento de público nestes anos" e "quero mostrar o meu agradecemento a todas as persoas que fan posible que esto se poda levar a cabo".

Outros datos a destacar son as 14.500 visitas totais que tivo o Espazo Expositivo de Arturo Baltar e as 17.864 do Museo Municipal.
A concelleira tamén presentou a programación do Auditorio Municipal para este semestre, facendo especial fincapé na aposta pola programación infantil que tanto éxito está tendo entre os máis pequenos.