As instalacións do Museo Municipal de Ourense atópanse estes días en obras, logo de que o artista Leandro Sánchez veña de tranformalas nun Museo en Obras. Desde este xoves, nove esceas hiperrealistas ocupan as paredes da sala baixa do Museo creando novos espazos de increíble realismo.
Trátase dunha proposta artística concebida específicamente polo autor para este museo e que se completa cunha colección das súas obras máis recentes e outros traballos ubicados na Sala II (pranta superior).

A presentación da nova proposta do Museo Municipal, Museo en obras, tivo lugar este xoves nas instalacións da rúa Lepanto nun acto presidido pola Tenente Alcalde e Concelleira de Cultura, Isabel Pérez, e no que se contou coa presenza do propio artista.
Durante a presentación, a edil de Cultura destacou a inmensa “sorpresa” que supón ver este espazo tan familar completamente transformado, e destacou o xenio artístico e o traballo de Leandro Sánchez “mallorquín, pero afincando en Ourense”.

Pérez recalcou a aposta da Concellaría de Cultura por  “coidar ao máximo” a programación cultural destas datas na cidade, “no que os veciñoss e veciña teñen máis tempo para desfrutar do que a cidade lles ofrece”.
Pola súa banda, o propio Leandro Sánchez quixo agradecer o apoio e interesado amosado pola Concellaría e o Museo durante a preparación do proxecto, "case dous anos e medio de xestión e estudo de campo que agora dan os seus
froitos", sinalou.

Museo en Obrasé a transformación do espazo central do Museo Municipal a través de nove escenas hiperrealistas que recrean rincóns e situacións practicamente reais.