A cidade de Ourense este venres, día 23 de setembro, á celebración do cun programa de actividades divulgativas e de sensibilización organizadas pola Concellería de Igualdade do Concello de Ourense en colaboración coa Asociación “Anacos da cidade”, en cuxo desenvolvemento participarán diversos colectivos sociais e feministas (Marcha Mundial das Mulleres, Colectivo Violeta, Foro Feminista “Falando Nos”, Movemento 12).

O programa, que foi presentado este xoves, comezará ás 10:30 horas no propio salón de plenos coa lectura dun manifesto e a proxección dunha curtametraxe onde se reflicte crudamente a realidade pola que atravesan as persoas sexualmente explotadas e vítimas de trata. Durante a tarde continuarán as actividades, ás 16:00 horas colocaranse uns paneis na Praza Maior en distintos idiomas alusivos á campaña mundial “Corazón Azul” da ONU.

Ás 20:30 horas na Praza Maior haberá unha nova lectura dun manifesto, e a continuación outra lectura sobre unha historia real. E para rematar terá lugar a performance a cargo do grupo de teatro “Abran paso”, que trasladará a todos os espectadores a ese mundo que sufren, principalmente as mulleres, que irán desaparecendo tras unha imaxinaria cortina dun suposto clube de alterne.

Para rematar a xornada proxectarase un corto documental que amosará o que ocurre unha vez traspasada esa imaxinaria cortina.