Ourense acollerá por terceiro ano consecutivo e tamén por terceiro verán, unha nova edición do cicle de cine ao aire libre, o Baixo as Estrelas que organiza a Concellería de Cultura da nacionalista Isabel Pérez. O ciclo foi presentado este 29 de xuño na oficina de Festival de Cine Internacional de Ourense, o OUFF.
Este novo ciclo de cine terá lugar todos os venres dos meses de xullo e agsoto, e as proxeccións serán todas as 11 da notie na Praza de San Martiño, con asistencia libre e de balde.
“Constitúe unha das citas máis celebradas e que máis público concita no noso calendario”, sinalou a concelleira Isabel Pérez.

O ciclo aporta novidades nesta terceira edición. Entre elas, si acaso o máis significativo é a implicación de organismos coma escolas de cine, promotoras de audiovisual e, fundamentalmente dos festivais galegos de cine.
As dúas escolas de cine que se implican nesta edición presentarán cada unha unha escolla de oito curtas. Tamén se contará con institucións coma a Filmoteca Vasca ou o Festival de Cine Tapiales de Arxentina, que aporta unha mostra itinerante do cine deste país.
Perez subliñou que tales implicacións “honran” este Baixo as Estrelas, xa que proxectarán en Ourense filmes premiados en ediciós como a do Festival de Cans, o euro-árabe AMAL, a Mostra de Cinema Periférico S8 d'A Coruña, do Curtocircuito de Santiago de Compostela e do PLAY-DOC de Tui.

Outra das novidades do Baixo as Estrelas 2011 é a “forte aposta por formatos como a curtametraxe ou o documental”. Segundo os organizadores, “formatos pouco habituais nos circuitos comerciais, pero demandados polo noso público e especialmente idóneos para proxeccións destas características”.