Avanzan a bo ritmo e dentro dos plazos previstos as obras que a Concellería de Termalismo está a desenvolver nas hortas traseiras das Burgas correspondentes ao bulevar peonil e o Centro de Interpretación Arqueolóxica concebidos polo arquitecto César Portela para ese espazo. Así o atestiguou a propia edil de Termalismo, quen este venres visitou a zona acompañada da concelleira de PERIs e BIC das Burgas, Iolanda Pérez, e o Director Xeral de Turismo e Termalismo, Xosé Carballido.
A propia edil de Termalismo anunciou que, de non haber incidencias “esta mesma primavera a zona estará aberta para o desfrute da cidadanía”.

Durante a visita puideronse apreciar, ademais dos movementos de terra, os muros de contención xa rematados  e a protección dos achádegos arqueolóxicos da zona, 3 pozos contemporáneos, unha tumba medieval, estructuras murarias romanas dun hipocausto. Tal e como declarou a Concelleira “estáse traballando dentro dos plazos previstos e o traballo máis complicado esta xá rematado, polo que en primavera poderemos xa abrir ao público”.
Ana Garza fixo fincapé en que estas obras “forman parte dun dos  proxecto quizais máis importantes para o desenvolvemento de Ourense como Capital Termal “e destacou “o importante esforzo de xestión” que supuxeron en canto as diferentes fontes de financiación empregadas e os permisos especiais de Patrimonio que se precisaron para a súa execución, tratándose esta dunha zona declarada Ben de Interese Cultural.

Pola súa banda  a Concelleira de PERIs e BIC das Burgas, Iolanda Pérez, destacou a trascendencia das obras da vida cotiá do Casco Histórico, por tratarse da primeira “gran zona verde coa que contará á Cidade Vella, e que actúa de complemento perfecto á aposta deste goberno pola dotación de servizos na zona”, a que contribue a recuperación de inmobles públicos transformados agora en espazo culturais.
As obras forman parte  do Plan Director do arquitecto César Portela plantexaba unha serie de intervencións que actualmente atópanse en fase final de execución. O obxectivo era recuperar o corazón da cidade pondo en valor un espazo abandonado e degradado. A intervención compleméntase coa recuperación das vivendas situadas nas traseiras das Burgas, Rua Cervantes e Praza da Ferreiría. Ambos  proxectos enmárcanse no Plan Especial de Protección das Burgas.