Quedan á venta ás últimas 500 entradas para poder asistir ao concerto de Leonard Cohen que o cantante canadiano ofrecerá no Pazo dos Deportes Paco Paz da Deputación de Ourense o vindeiro día 12 de setembro, ás 21:00 horas, segundo informa a propia institución provincial ourensá.

Estas entradas –todas elas de grada xeneral, posto que as entradas de pista xa están esgotadas- pódense adquirir a través da venta electrónica que facilita El Corte Inglés ou Caixanova (a través de Servinova).
O outro punto de venta, Caixagalicia, xa ten esgotado o seu lote de entradas.

A evolución da venda de entradas fai prever que se esgotarán nestes días e que se colgará o cartel de aforo completo.
O concerto de Leonard Cohen está promovido polo Xacobeo 2010, en colaboración coa Deputación de Ourense.