Desde este luns, 28 de xuño, ata o venres, 9 de xullo, a Asociación Xuvenil Amencer leva a cabo un ano máis a actividade de verán denominada ”Mañás de verán”, que ten como destinatario a calquera rapaz desta cidade cidade, sempre que a súa idade esté comprendida entre os 3 ate os 12 anos. Unha vez máis, o cuartel das actividades de Amencer estará nas instalacións do colexio salesiano de Ourense.
Este proxecto “xorde como resposta ante a necesidade vista dende o propio centro educativo de que os rapaces e rapazas destas idades tiveran unha oportunidade de ocupar o seu tempo libre dunha maneira lúdica e educativa, agora que remataron as clases e dispoñen de máis tempo libre pola mañá”, sinala Amencer. Ao que se engade a posibilidade de empregar os recursos en canto a infraestruturas que o propio colexio salesiano pode ofrecer máis aló das aulas durante o curso. 
    
Os obxectivos marcados para estas “Maás de verán 2010” son educar en valores a través do xogo, favorecer a creatividade dos participantes, propiciar a participación e o traballo en equipo, e poder seguir empregando as instalacións do colexio fóra do horario escolar.

Ao comezo das actividades, este luns o lugar de encontro e acollida e onde se realizarán unha grande parte das actividades será nas instalacións do colexio salesiano, como queda dito.
Ao longo sobre todo desta mañá faranse xogos de presentación como “silueta da man” para os nen@s de 3 a 5 anos de idade, e   “aposento”, “o voceiro do rei”, “o correo”, “tea de araña” e “sangue” para os nen@s de 6 a 12 anos.