A Concellería de Benestar Social continúa o proxecto de eliminación de barreiras arquitectónicas na cidade de Ourense, coa renovación de beirarrúas nas rúas Velázquez, Xoan de Anges, Prego de Oliver e Murillo, no barrio de O Couto.
O alcalde Francisco Rodríguez, e a concelleira de Benestar Social, Marga Martín, visitaron este mércors as obras, nas que se investiron un total de 335.167,08 euros, con cargo ó Fondo Estatal de Investimento Local.

O proxecto foi levado a cabo para resolver as deficientes condicións do pavimento e abastecemento das beirarrúas, debido á antiguidade  baldosas rotas, desgastadas ou excesivamente pulimentadas. Coa execución destas melloras,  refórzase a seguridade viaria, mellora a accesibilidade urbanística, e redúcense o ruído e as emisións de gas, redundando na mellora da calidade de vida dos cidadáns do barrio de O Couto.

As obras do proxecto inclúen o levantado do firme de beirarrúas e bordillos existentes anteriormente, a construcción de novos bordillos de pedra e beirarrúas e a inclusión de rampas peatonais. En canto ó abastecemento, engadíronse tuberías de 100 e 150 mm., e tuberías de fundición de PVC de 400 e 500 mm. dedicadas ó saneamento das catro rúas.